نكت بس ايه.. اوعى ايدك والماوث كنترول..

واحده ست مسكت حرامى فى المطبخ ،فقالت لابنها روح إنده ابوك من على
القهوة.... جه ابوه ، ولما فتح المطبخ لقي الحرامي صغيّر فقال له انت
اسمك ايه؟ قالوا كريم ،فقعد يضرب فيه لحد ما عجنه .... تاني يوم الست
بتفتح باب المطبخ لقيت حرامي قالت لابنها روح يا وله نادي ابوك من على
القهوة جه الراجل ولما دخل المطبخ لقي واحد طول بعرض ....... بص لمراته
وقال لها امال فين كريم ؟!!!
__________________________________________________ _______________
صرصار ندل عزم 4 اصحابه علي الغدا ولما اتجمعوا كلهم ... شد عليهم
السيفوووووون
__________________________________________________ _______________
بطة راحت لبقال قالت له عندك سكر ؟؟ قال لها لا.. راحت له تاني يوم
قالت له عندك سكر؟؟ قال لها لأ ، وعارفه لو جتيني تاني حدق رجليكي
المفلطحه في الأرض... راحت له تاني وقالت له عندك مسامير؟؟ قال لها لأ
.. قالت له طب عندك سكر
__________________________________________________ _______________
سالوة جحاا:عندك كام سنه؟ قالهم:40. سالوة بعد10سنين :عندك كام سنه ؟
قالهم:40.سالوه اذاى بتقول ان عندك 40سنه وانت قلت كدة من عشر سنين؟
قالهم:اصل كلمة الراجل واحدة
__________________________________________________ _______________
ثلاثه صقور اتراهنوا على الصيد راح الاول ورجع في منقاره دم قليل...
قال لزمايله شفتوا الشجره اللى هناك دى؟ قالوا أيوه قالهم انا اصطادت
عندها أرنب ...... راح الثاني ورجع في منقاره دم كثير قال شفتو الصخره
اللى هناك دى؟ قالوا أيوه قال اصطادت عندها غزال .... راح الثالث وهو
أغبى واحد فيهم ورجع وكله دم قالهم شفتوا العمود اللى هناك ده؟ قالوا
أيوه قال أنا ما شفتهوش
__________________________________________________ _______________
واحد رمى على حبيبته ورده فماتت ليه ؟؟؟؟؟؟؟؟؟؟؟؟؟؟؟؟ نسي يشيل الوردة
من الفازا
__________________________________________________ _______________
واحد اسمة شلبى كان مسافر بلاد برة ، فراح محطة القطر وطبعا هناك
النظام آخر تمام ... فراح داخل فى مكنة التذاكر ، يحط ا الفلوس وتنزل
له التذكرة ، فراح حط الفلوس والتذكرة نزلت له ، والمكنة راحت قايله
مرحبا بالاستاذ شلبى سوف تركب قطار رقم 26 وسيصل الساعة الواحدة ، هوة
سمع كدة فعجبته الحكاية ، فضل يحط فى فلوس والمكنة تعيد يحط فى فلوس
والمكنة تعيد ، لحد اخر مرة حط الفلوس ، راحت المكنة قالت له الاستاذ
شلبى فضل يستهبل لحد ما القطر فاتة
__________________________________________________ _______________
واحد فافى وهو نازل من البيت أمه سالته رايح فين؟ فقال لها مش هقولك
انا حر ، نزل ووقف تاكسى فالسواق ساله على فين يا باشا؟؟؟ قال له يعنى
أنا مقولتش لامامي هقولك أنت
__________________________________________________ _______________
غبي راح عمل سشوار عند الحلاق وقال عندي فرح بعد اسبوع وعايز شعري يفضل
حلو كده الحلاق قاله بس ابعد عن الميه -- رجع بعد 3 ايام بيقول للحلاق
...... عطشـــاااااااان.
__________________________________________________ _______________
فى المتحف المصرى سأل الولد أبوه ,تمثال مين ده يابابا؟ ,رد الاب : مش
عارف يابنى ...... طب صورة مين دى يابابا؟ , مش عارف يابنى ..... طب
مين اللى محنطينه هناك ده يا بابا ؟؟ , مش عارف يابنى ..... شوية و أم
الولد قالتله: ياواد بس بقى كفاية اسئله تعبت أبوك ........, رد أبوه :
ياوليه خلى الواد يسال علشان يتعلم
__________________________________________________ _______________
واحدغبى فى الجيش القائد اداله اغلى قنبلة فى العالم وقال له ارميها
على الاعداء من فوق الجبل اللى بين الجيشين ، قام الراجل طلع على الجبل
، ولاول مرة فكر وقال القنبلة دى غالية قوى طب ما بلدنا اولى بيها
......ورماها على جيشه
__________________________________________________ _______________
واحد سرق كرسي من القهوة وطلع يجري ... فالواد الاهوجي شافه اخد ديله
في سنانه و جري وراه ... قام الحرامي لمحه بيجري وراه ....... راح وقف
فى نص الطريق وقعد على الكرسى .. قال للاهوجي هات لى واحد شاي
__________________________________________________ _______________
واحده راحت كشك تتكلم فى التليفون ، بقالها ساعه بتحاول تتكلم فسالت
صاحب الكشك ... لما التليفون يدينى : توت توت ...يبقى ايه ده؟ رد عليها
وقال يبقى فى قطر معدى من قدام التليفون
__________________________________________________ _______________
واحد دخل صيدلية وقال للصيدلي إديني حقنة من اللي بتاخدها مراتي....
الصيدلي قال له إسمها إيه؟ قالو مديحة
__________________________________________________ _______________
واحدة ست تخينة قوى قوى مش عارفين يوزنوها علشان الميزان كل مرة ينكسر
جابوا احدث ميزان من برة وقالوا خلاص هنعرف وزنها بعد ماطلعت على
الميزان الميزان خرج ورقة مكتوب عليها لو سمحتوا ياجماعة واحد واحد
بالدور
__________________________________________________ _______________
مره مجموعه هجموا علي شخص وفي ايديهم السلاح وسالوه :انت معانا ولا مع
الناس التانيين؟؟؟؟؟ جاوب الرجل هو مرعوب وقالهم على طول انا معاكوا
طبعا .............. فقلولو : احنا الناس التانين .. طاااااخ
__________________________________________________ _______________
مرة واحد قصيرراح يشهد فى المحكمة القاضى بيقول له قول والله العظيم
اقول الحق قاله والله العظيم اقول الحق راح قاله اسمك ايه قاله نخلة
قاله انت هتكدب من اولها
__________________________________________________ _______________
مره ولد ابوه بخيل قال لابوه انا حلمت ان انت اديتنى جنيه.... قاله
ابوه : بس على الله يتمر فيك
__________________________________________________ _______________
اتنين مساطيل فى طياره معديه الاول قال ده طياره الرئيس فقال الثانى ده
مش طياره الرئيس الاول والله دى طياره الرئيس الثانى لا مش طياره
الرئيس فاتفقو ان اى حد معدى يسالوه فعدى واحد فسألوه دى طياره الرئيس
فقالهم يا اغبياء طياره الرئيس بيمشى وراها موتوسكلات
__________________________________________________
مرة واحد قال لمراتة نكتة قلتلة ههه بيخة قلها ههه طالق
__________________________________________________ _______________
مره واحد جه يًًزوّّر فلوس ، فقال يجرب فى ورقة بعشرين جنيه ......
فراح رسمها كويس قوي وكتب بدال العشرين .. 18 ... ونزل عشان يفكها ،
فقابل واحد وقال له ممكن تفكها لي جنيهات فقال له الراجل زورتها ازاي
؟؟؟؟؟؟؟ قام خاف و خد بعضه و جرى ، و بيفكر ازاي الراجل عرف انها مزورة
، فراح يجرب يفكها من ابن عمه ، فقال لابن عمه ممكن تفك لي الــــ 18
جنيه دي جنيهات ، فقال له ما فيش جنيهات فكه ، تاخد ورقتين بتسعة ..
__________________________________________________ _______________
واحد حرامى سرق باب من واحد مسطول ...... فالمسطول قعد يجرى وراه
الحرامى ... فقام الحرامى حاطط الباب فى نص الشارع وجرى ....فالمسطول
وقف عند الباب وقال له افتح يا جبان
__________________________________________________ _______________
اتنين مساطيل قاعدين وبعدين فى جنازة معدية عليهم ... وعلى نفس الطريق
فى عربية نقل جاية بسرعة فائقة ..... فالجنازة تركت الميت وجريت ....
وفجأه العربية ضربت فرامل وتفادت الجنازة ..... فالمسطول قال لصاحبه
تصدق .. الميت ده انكتب له عمر جديد
__________________________________________________ _______________
مساطيل قاعدين بيصيدوا ضبابير ، عدّت من فوقيهم هليكوبتر .... واحد
منهم قال أمهم جت اهربوووووووووو
__________________________________________________ _______________
واحد بيقول لمراته أنا عايز لما أرجع من الشغل النهارده ألاقيكى عاملة
محشى... قالتله بس أنا ماعرفش أعمل محشى... قالها ماليش دعوه أنا عايز
محشى وسابها ونزل... ولما رجع لقى ترابيزة السفرة كلها محشى قالها طيب
المحشى ده جه منين؟؟؟ قالتله الظاهر كده ان البيت فيه عفاريت قالها
عفاريت !!! يبقى لازم نعزل دلوقتى نروح حلوان ، .جاب عربية نقل علشان
يحمل العفش ، لاقى العفش بيتحمل لوحده و الثلاجة والمكتب وغرفة السفرة
ولالقى أربع عفاريت واقفين فوق العربية وبيقولوا
..هيييييييييييييييييييييية حانروح حلواااان...حانروح حلواااان
__________________________________________________ _______________
واحدة ست عند جارتها .... قالولها إقعدي تتعشي عندنا ....قالت لأ مش
هينفع عشان بناتي عاملين رجيم وعايزة أدوقه
__________________________________________________ _______________
مجنون و مجنونة كانو ماشيين جمب بسين فى مستشفى المجانين ... فالمجنون
رمى نفسه فى المياه والمجنونة انقذته (جاه الدكتور تانى يوم للمجنونة
وقال لها عندى ليكى خبر حلو والتانى وحش الاول انتى خفيتى وهتخرجى من
المستشفى ، والتانى صاحبك المجنون شنق نفسه) قالت له لأ ..ده انا كنت
معلقاه عشان ينشف
__________________________________________________ _______________
واحد مسطول ... حط إيده في جردل فيه ماية نار .... فحس ان صباع من
اصابعه ناقصة .. فحط راسه في الجردل عشان يدور عليه
__________________________________________________
مسطول بيسأل صاحبه هو الزيتون له رجلين ؟؟ قال له : لا
... قال : يبقى انا أكلت خنفسه
__________________________________________________ _______________
اتنين محششين الاول بيسال التاني النهارده السبت ولا الاحد ؟ التاني
بيقول له : الاتنين فقال له : يا سلااااااااام الاتنين مع بعض
__________________________________________________
واحد من أهل الشام ...سافر على الصين شاف واحد حب يتعرف
عليه فقال له شو إسمك ؟ فقال مي شان شو ...فقال له علشان نتعرف
__________________________________________________ _______________
بواب صعيدي وقع على السلم فاتجرح راح لدكتور اداله مرهم وقالوا ادهنو
علي مكان الاصابه راح دهن السلم
__________________________________________________ _______________
اتنين قاعدين بيحششوا فوق السطوح... الاول: الحق يا منير ابوك مات .. ،
راح شدله حجرين وقعد يعيط ..... بعد شوية الحق يا منير امك ماتت ... ،
راح شدله حجرين تانى وقعد يعيط .... شويه يا منير الحق اخوك مات ...
راح حادف الشيشة من ايده ووقف علي سور البلكونة و قال :لا ده هو اللي
فاضلي ورمي نفسه ....وهو في الدور السابع افتكر انه مقطوع من شجرة
...وفي الدور التاني افتكر انه ماسموش منير أصلاً
__________________________________________________ _______________
مرة واحد سال الصيدلي عندك دوا للصراصير قاله هما عندهم ايه؟
__________________________________________________ _______________
واحد راح للدكتور بيحكى له عن حالته وبيقول انا كل يوم باصحى الآقى
نفسى مندهش ، كل مرة بأ صحى الآقى نفسى مندهش .... راح الدكتور كاتب له
على علاج .... فصحى تانى يوم لقى نفسة مش مندهش ............. فإندهش
__________________________________________________ _______________
مره واحد عازم ناس اصحابه و قدم لهم مانجه فالناس قالوا له مش عيب تجيب
لنا مانجه بايته ،، قالهم يعنى هي بايته عند حد غريب
__________________________________________________ _______________
واحد راح لدكتور عيون علشان يعمله عملية .بعد ما فكله الرباط قال
للدكتور مش شايف يا دكتور,الدكتورقاله دول كام قله مش شايف,قله طب دول
كام قله مش شايف مش شايف, راح الدكتور مسك ودنة و قله طب دى أية قله دي
ودنى الدكتور قله يااخى خضيتنى عليك.
__________________________________________________ _______________
فار شاف اسد ميت ، فسحبه من ذيله واخذه الغابه ، لما شافوه الحيوانات
قعده يحيوه ويهتفوه باسم الفار 00قام الفار رفس الاسد وهو بيقول
.......انا لما اتعصب ما برحمش
__________________________________________________ _______________
مرة واحد متسلق جبال راح يتسلق جبل هو و المساعد بتاعه. وكان المساعد
ده بيتهته فى الكلام ,وهما طالعين فى نص المسافة المساعد قال للمتسلق:ن
ن ن ن ن........ فالمتسلق قاله:بس يابنى لاضحك ونوقع احنا الاثنين.
ولما وصلوا فوق ، قاله عايز ايه ؟؟ قاله:ن ن ن ن ن.... نسيت الاكل تحت.
قاله: يخرب بيتك . ونزلوا تانى ، وهما فى نص المسافة ,المساعد قاله:ب ب
ب ,قاله :بس لاضحك ونوقع احنا الاثنين.ولما نزلوا تحت قاله :عايز
ايه.قاله:ب ب ب ب بهزر معاك
__________________________________________________ _______________
واحد اخنف واقع فى بير مايه ...فمر علية واحد وكان اخنف برضه ، قالة
اطنعك ...رد قالة ايوه طنعنى.... قال بتألس علي طيب مش حطنعك
__________________________________________________ _______________
مر جحا علي جماعة بحماره فواحد رذل عليه وقاله تصدق عرفت الحمار و
معرفتكش. قام رادت عليه جحا وقاله مش غريبه ان الحمير بتعرف بعضها
__________________________________________________ _______________
اتنين مساطيل ماشين فى الشارع الاول قال للتانى شايف الاتنين المساطيل
الى بيصطادو من البلكونه الى فوق ، رد عليه التانى وقال سيبك منهم ..
ادّف.. ادّف..
__________________________________________________ _______________
سالوا واحد ليه سكان بلدكم بيحلفوا كتيييييييييييييير رد وقال لهم
....... والله العظيم دي اشاعه
__________________________________________________ _______________
ليه الخباز مش بيلبس الساعة وهو بيخبز؟ علشان الدقيق ما يعاكسش الدقيقة
__________________________________________________ _______________
واحد رخم اوى نزل الشارع وقف امام العمود قالة عدينى
__________________________________________________ _______________
واحد نذل اتصل ب برنامج مايطلبه المستمعون !! طلب يسمع اغنية (بابا
فين) ويهــديها لكل الايتام في العالم!!!!!!!!!
__________________________________________________ _______________
مرة واحد بيستهبل اتجوز واحدة بتستهبل اول ما خلفم خلفوا ولد اول ما
نزل عمل نفسة ميت
__________________________________________________ _______________
... واحد رزل دخل السيما ما لاقاش غير واحد بس قعد وراه وقاله دماغك لو
سمحت
__________________________________________________ _______________
المريض: يا ترى يا دكتور أنا ممكن أعيش لحد ما يبقى عندي 100 سنة؟
الطبيب: أنت بتدخن أو بتشرب أو بتتعاطى؟ المريض: لأ أبداً، عمري ما
دخنت سيجارة أو كأس ولا حتى شديت نفس من شيشة... الطبيب: بتلعب قمار؟
المريض: لأ، ولا حتى كوتشينة ولا دومينو ولا شطرنج .... الطبيب: بتسهر
قدام التلفزيون أو الفيديو أو الدش؟ المريض: ولا بفتحهم من أساسه....
الطبيب: ولا بتسهر على القهوة؟ المريض: ولا عمري عتبتها برجلي...
الطبيب: بترهق صحتك ونظرك بالقراءة كتير؟ المريض: بالعكس، أنا أطيق
العمى ولا أطيقش الكتب... الطبيب: طيب بتقعد كتير قدام الكمبيوتر أو
الأنترنت؟ المريض: كمبيوتر؟ أشوف إيه؟ .... الطبيب: طيب بتسافر على طرق
خطر أو بتسوق كتير؟ المريض: أنا لا عندي عربية ولا بأسافر من أصله.....
الطبيب: طيب بتلعب أي رياضة عنيفة أو مرهقة؟ >المريض: ولا عمري عتبت
نادي، وما لعبتش حاجة من أيام ثانوي.... الطبيب: أمال عايز مية سنة
تهبب فيهم إيه !!!!!
__________________________________________________ _______________
كان في واحد شكلو وحش اوي اوي اوي عايز يتجوز واتقدم لواحده فبيقول
لأبوها: انا يا عمي وبلا فخر عملت نفسي بنفسي
قاله: ما انا برضو بقول استحالة تكون خلقة ربنا
__________________________________________________ _______________
واحد صعيدي شغال في السعودية بعت لى أمه كيلو شيكولاته فاتصلت عليه
وقالتله الصابون اللي بعته بيوسخ الهدوم
__________________________________________________ _______________
مرة صعيدي بلع ريقه إتسمم
__________________________________________________
ظابط بيزعق لمواطن و بيقول له: "إنزل من ع الرصيف يا
حمار!!!" المواطن قال له: "بس ماتقولش رصيف!!!"
__________________________________________________ _______________
اثنين محششين .. قال الأول : بالي مشغول من امبارح.. فأجابه الثاني :
يمكن حد رافع السماعة ..
__________________________________________________ _______________
بخيل بيقول لعيالة أوعدكم إذا نجحتوا في الامتحان هاوديكم تشوفوا أولاد
بياكلوا في كنتاكي.
__________________________________________________ _______________
مرة واحد نام متاخر لقي الحلم بدأ
__________________________________________________
صعيدي صاد سمكة لقاها حية غرقها علشان تموت .
__________________________________________________ _______________
واحد قال لواحد صاحبه علمنى النداله واعلمك السرقه قاله علمنى السرقه
الاول
اخدو وطلعو على المواسير ودخلو شقه وسرقو كل الى فيها قالو نت كدا
اتعلمت السرقه علمنى النداله بقى مسكو وقال
حرااااااااااااميييييييييييييييييييي.